HOOKKAA, BOKKUU FI #AWAA

 

Awaa:- sirni gadaa oromoo qaamolee garagaraa gahee garagaraa qaban hedduu of keessaa qaba. Isaan keessaa inni hangafaa qaama #Awaa jedhamee beekkamuu dha. haa ta'uu malee hedduun keenya asirratti hubannaa walfakkaataa kan qabnuu miti.

#Awaa jechuun #Caffabuleessa, #Dibbedhayeessa, #Gadakuteessa, #Baarkuteessa jedhama.

Caffabuleessa jechuun qaama iddoo jiidhina qabu kan akka malkaatti bahee waaqa namaaf kadhatu jechuu yoo ta'u, dibbedhayeessa jechuunis akkasuma dibbee qabatee waaqa/Rabbi faarsee kan galata galchu jechuu dha.

Gama biraatiin immoo gadakuteessa jechuun caasaa gadaa keessa hin jiru yookiin gadaa keessaa gahee hin qabu jechuu dha. Fakkeenyaaf #Raaba hin yaabbatu, gadaan hin dhaadatu. #Gadaa dabarsanii waliif kennan hin qaban jechuudha. Akkasuma baarkuteessa jechuun amantaa fi yaada qaamni kun baar kutee alaa dhufe (#Orma) jedhu of keessaa qaba.

Walumaagalatti hiikni #Awaa kanaa gabaabinaan yoo ibsamu #Qaalluu/Awuliyaa jechuu dha. Awuliyaa jechuun qaama Rabbi irraa kennaa addaa qabuu fi araarama namaaf kadhatu jedhamee abdatama.

Haa ta'uu malee gaafa Abbaan Gadaa yookiin bokkuun tokko waa balleessee argame qaamni tarkaanfii isatti fudhatu yookiin diinsuu danda'u qaama kana qofa. Walumaagalatti gahee guddaa taphata jechuu dha.

Awaan gosa#Shanan armaan gaditti eerama kanaa dha! #A #Shan jedhamuun beekkamu. Isaanis:-

1) A damoonyee

2) A llujaana

3) A broonyee

4) A taabaa

5) A miinyaa jedhamu